Ekskluzive: LDK do t’i përgjigjet Vetëvendosjes për ofertën e fundit

Loading...

Lidhja Demokratike e Kosovës pritet t’i përgjigjet Vetëvendosjes për ofertën e fundit, përmes së cilës i propozonte rritjen e numërit të ministrive.

Burime të insajderit kanë thënë se LDK-ja do ta refuzojë ofertën e VV-së.

Sipas këtyre burimeve LDK-ja do të kërkojë që kryeparlamentari t’i takojë LDK-së derisa të zgjidhet presidenti. Nëse zgjidhet presidenti, kryeparlamentari t’i kthehet VV-së, ndërsa nëse dështon kryeparlamentari t’i mbetet LDK-së.

LDK pritet të kërkojë vetëm 5 ministri e jo më shumë. Ndërkohë që para pak minutave ka nisur mbledhja e LDK-së.

Kujtojmë se Lëvizja Vetëvetndosje, të hënën i ka dërguar një ofertë LDK-së. Sipas kësaj oferte, Kurti ka propozuar rritjen e numrit të ministrive nga 12 në 14. Kësisoj, Lidhja Demokratike e Kosovës do të ketë gjashtë ministri, Lëvizja Veteëvendosje pesë, derisa minoritetet tri ministri.

Në këtë ofertë janë detajuar të gjitha pozitat që do të mbante secili subjekt.

“Nëse, për çfarëdo arsye nuk zgjedhet Presidenti, atëherë LDK do ta marrë një ministri shtesë”, thuhet në propozim.

Ndërkohë, i menjëhershëm ka qenë reagimi i nënkryetarit të LDK-së, Agim Veliu i cili ka thënë se në këtë ofertë nuk ka diçka të re dhe serioze që do të mund ta zgjidhte situatën drejt një marrëveshje përfundimtare.

“Unë po flas personalisht nuk është diçka serioze. Jemi duke e shqyrtuar megjithatë nuk ka diçka të re. Nuk ka diçka serioze aty që mund të na nxjerrë prej situatës”, kishte thënë Veliu./Insajderi

The post Ekskluzive: LDK do t’i përgjigjet Vetëvendosjes për ofertën e fundit appeared first on Korrespodenti.

Loading...
Loading...

Leave a Reply

Your email address will not be published. Required fields are marked *