Lajme fantastike nga Premier League, asnjë rast i ri me COVID-19

Anglia po sheh dritë në fund të tunelit dhe tashmë është ndezur drita jeshile edhe për rifillimin e futbllit. Nga përgjigjet e ditës së djeshme, asnjë rast i ri me koronavirus nuk është shënuar në Premier League.

1195 anëtarë të kampionatit anglez i janë nënshtruar testeve për koronavirus dhe për fat të mirë, asnjë nga ta nuk ka rezultuar pozitiv.

Në mesin e të testuarve ka pasur lojtarë të skuadrave si dhe anëtarë të stafit.

Premier League ka kryer në total 6274 teste për Covid-19, me 13 pozitivë deri më tani dhe 6261 negative, por edhe ata që janë infektuar janë pranë shërimit dhe gëzojnë shëndet të plotë.

Me këtë ritëm, Premier League është në rrugë të mirë për të rinisur sezonin sipas planeve.

The post Lajme fantastike nga Premier League, asnjë rast i ri me COVID-19 appeared first on Korrespodenti.

admin: